kutubhona

эди. Буни Рум билан юз берган воқеа ҳам қувватлайди. Чунки мусулмонлар румликларга қарши уруш қилиб уларни мағлуб этдилар ва юртларини эгалладилар. Румликлар мусулмонлар билан бир сафда шахслар сифатида уруш қилишди. Румликларнинг ўз ортларидаги бир душманга қарши Исломий давлат билан биргаликда бир давлат сифатида уруш қилишлари ҳечам рўй бермаган. Бу эса мана шу ҳадисдан мурод давлат сифатидаги эмас, шахслар сифатидаги Рум эканлигини тасдиқлайди. Ҳадисни шундай тушуниш керак. Бу билан эса мушриклардан давлат сифатида ёрдам сўраш жоизлигига далолат қиладиган бирон далил йўқлиги аён бўлади. Аксинча далиллар бунинг мутлақо жоиз эмаслигини очиқ кўрсатиб турибди.

Буларнинг ҳаммаси кофирдан ёрдам сўраш унинг шахсан ўзи мусулмонлар билан бир сафда туриб жанг қилиши ҳақида эди. Энди кофирдан ёрдам сўраб, ундан қурол-аслаҳа олишга келсак бу жоиздир. Қурол-аслаҳа шахсдан олинадими, давлатданми, бунинг фарқи йўқ. Фақат бу кафолатли орият асосида бўлиши шарт. Бунга далил ушбу ривоятдир. Росулуллоҳ с.а.в. Ҳавозинга қарши юриш қилиш учун қўшин тўпладилар. Шунда Пайғамбаримиз с.а.вга Сафвон ибн Умайяда совутлар ва қурол-аслаҳалар борлиги айтилди. У ҳали мушрик эди. Пайғамбаримиз с.а.в унга одам юбориб бундай дедилар:

«يَا أَبَا أُمَيَّةَ أَعِرْنَا سِلاَحَكَ هَذَا نَلْقَى فِيهِ عَدُوَّنَا غَدًا فَقَالَ صَفْوَانُ: أَغَصْبًا يَا مُحَمَّدُ؟ قَالَ: بَلْ عَارِيَّةٌ وَمَضْمُونَةٌ حَتَّى نُؤَدِّيَهَا إلَيْكَ. فَقَالَ: لَيْسَ بِهَذَا بَأْسٌ، فَأَعْطَاهُ مِائَةَ دِرْعٍ بِمَا يَكْفِيهَا مِنَ السِّلاَحِ، فَزَعَمُوا أَنَّ رَسُولَ اللّهِ A سَأَلَهُ أَنْ يَكْفِيَهُمْ حَمْلَهَا فَفَعَلَ»

«Эй Абу Умайя, бизга қурол-аслаҳангни ориятга бериб тур, токи эртага шу қурол билан душманга қарши чиқайлик. Сафвон деди: эй Муҳаммад, бу зўрлик билан тортиб олишми? Пайғамбаримиз с.а.в: йўқ, аксинча то уларни сенга топширгунимизгача кафолатли ориятдир, дедилар. Сафвон: ундай бўлса бунинг зарари йўқ, деб Пайғамбаримиз с.а.вга юзта совут ҳамда етарли қурол-аслаҳа берди. Тахмин қилишларича Росулуллоҳ с.а.в. ундан уларни ташиб олиш учун етарли улов ҳам